Comarcas de Galicia:Vigo

A comarca de Vigo, é unha comarca española situada na costa sur de Galicia, dentro da provincia de Pontevedra. Limita ao norte coa Comarca de Pontevedra, ao leste coas comarcas de Condado, Paradanta e Ribeiro (Ourense), ao sur coa Comarca do Baixo Miño e ao oeste coa Comarca do Morrazo e o océano Atlántico.

Moitas veces confundese a comarca oficial de Vigo coa Área Metropolitana de Vigo, pero na realidade non se corresponden, pois forman parte de dita Área Metropolitana, á parte dos municipios que integran a comarca, tamén os de Cangas e Moaña (Comarca do Morrazo) e o de Salvaterra de Miño (Comarca do Condado).

A súa superficie total é de 613,4 km²(2.07%)
A súa poboación total é de297.124 hab. de acordo cos datos do 2010

Integrana os concellos de:

O Porriño
Baiona
Fornelos de Montes
Gondomar
Mos
Nigrán
Pazos de Borbén
Redondela
Salceda de Caselas
Soutomaior
Vigo

Actividades económicas:

A economía da comarca viguesa caracterízase pola preponderancia dunha economía diversificada vencellada ao sector pesqueiro, á industria e aos servizos. Entre os motores da economía de Vigo está a industria automobilística, liderada por PSA Peugeot Citroën, que ten no concello a súa primeira factoría en importancia de Europa, ao producir en 2007 un total de 547 mil vehículos, dos cales máis do 88% foron exportados fóra de España.

Así mesmo, son moi importantes a construción naval e o sector pesqueiro en todas as súas vertentes, dende a industria extractiva, armadores, ata a comercial, coas súas lonxas de altura e de baixura, así como a industria conserveira, conxeladora e transformadora. Vigo é o primeiro porto comercializador de peixe para consumo humano do mundo (650.000 toneladas no ano 2004), e os estaleiros da Ría son líderes da construción naval privada española, por facturación e tonelaxe. Tamén destaca a extracción, transformación e comercialización de granito e outras pedras ornamentais no Porriño.

Control de audiencia nos medios de comunicación

A infomación e o entretemento xeran riqueza e inflúen decisivamente na opinión púbblica. Por esta razón formáronse grandes empresas que editan xornais e revistas, teñen canais de televisión, emisoras de radio, programas de produción propios...
Para acadar estes obxectivos económicos e sociais, algunhas empresas recorren, sobre todo a través da televisión, á produción de progarmas dunha garnde audiencia, pero que carecen de calidade.

Pola contra, outras empresas da comunicación, aínda que teñan eses mesmos obxectivos, fan prevalecer a ética e mais a profesionalidade á hora de establecer a súa programación.

Que é a globalización

Procedencia da imaxe: sobreconceptos.com

A globalización é un fenómeno que se caracteriza pola interdependencia económica, política, social e cultural de todos os países do mundo.
Está definida polos seguintes trazos:

• Cobertura mundial
• Inmediata
• Económica
• Transformou as bases da sociedade
• Creou unha conciencia global

A Descolonización

procedencia da imaxe: descolonizacioneindependencia.wordpress.com

Descolonización: é o proceso polo cal unha ou varias colonias adquiren ou recuperan a súa independencia, xeralmente por acordo entre a potencia colonial e un partido político (ou coalición) ou movemento de liberación.Trátase dun proceso oposto ao do colonialismo.

A esperanza de vida.

A esperanza de vida é a media da cantidade de anos que vive unha determinada poboación nun certo periodo de tempo. Sóese dividir en masculina e feminina, e vese influenciada por factores como a calidade da medicina ,a hixiene , as guerras, etc, se ben actualmente se soe referir unicamente ás persoas que teñen unha morte non violenta.

Nos países desenvolvidos a esperanza de vida é maior ca nos países máis pobres e con menos recursos.

procedencia da imaxe: wikipedia

A débeda externa é a suma das obrigacións que ten un país con respecto doutros, que se compón de débeda pública (a contraída polo estado) e débeda privada ou do sector privado, que é aquela que contraen os particulares no exterior.

A débeda externa con respecto a outros países dáse con frecuencia a través de organismos como o Fondo Monetario Internacional ou oBanco Mundial. Se o debedor ten problemas para pagala, pode supor un serio problema para o desenvolvemento económico dun país, e ata para a súa autonomía.

Fonte: Wikipedia
Procedencia das imaxes:
mas-ecuador.nireblog.com
esquinamontevideo.blogspot.com

LIÑA DE POBREZA HUMANA (LPH)

A Liña De Pobreza Humana serve para saber a cantidade de persoas nun país que viven por debaixo do diñeiro considerado como o mínimo imprescindible. A LPH é variable en cada país, pero serve para comparar uns con outros.

A DESLOCALIZACIÓN

Deslocalización: movemento que realizan algunhas empresas, xeralmente multinacionais, que trasladan os seus centros de traballo en países desenvoltos a países con menores custos para eles, xeralmente do Terceiro Mundo.

Causas que inflúen na deslocalización:

• Menor custo na man de obra.
• Lexislacións menos estrictas coa proteción do medio ambiente e a loita contra a contaminación, inutilización de terras, etc.
• Condicións de traballo máis flexibles, que permitan menos seguridade no traballo, maior xornada laboral, etc.

Todo isto favorece as empresas, xa que aumentan os seus beneficios sen ter que gastar tanto diñeiro en man de obra, capital, etc

Procedencia da imaxe: elrolloblogdejavier.blogspot.com

Riscos da globalizacion.

Os riscos da globalizacion:

A propagación de certas enfermidades e o problema do terrorismo son dous exemplos das ameazas que planean hoxe en día no noso mundo globalizado.

As enfermidades.

A facilidade e mais a rapidez das comunicacións estenden o perigo do contaxio de certas enfermidades que se converteron nun problema mundial, como acontece coa SIDA.

O tratamento desta grave enfermidade é moi diferente segundo o grao de desenvolvemento do país: nas rexións máis ricas do mundo lévanse a cabo políticas preventivas e tense acceso a medicamentos moi custosos; polo contra, a doenza causa grandes estragos nos países máis pobres de África.

O terrorismo

O mundo globalizado está ameazado por grupos humanos violentos, que rexeitan a orde política e social mundial e pretenden derrotala mediante o terrorismo.

Esta violencia é difícil de combater xa que actúa de maneira e en lugares inesperados, empregando poderosas armas destructivas que causan milleiros de vítimas.

Procedencia da imaxe: html.rincondelvago.com

As paisaxes agrarias

O poboamento : O poboamento rural é a parte do espazo rural habitado polas persoas . O poboamento rural pode ser espallado (as vivendas están illadas unhas das outras) e concentrado (as vivendas están agrupadas)

Actualmente, o 39% da poboación mundial vive en espazos rurais, ainda que hai grandes diferenzas entre continentes e países. En Asia, a poboación rural representa o 65 % da poboación total e no Nepal chega ata o 85%. En Europa a poboación rural representa o 35%, e en Belxica só o 3%.

Características da agricultura e da subsistencia.

A agricultura de subsistencia está orientada a producir todo o necesario para a supervivencia e dedícalles máis de dúas terceiras partes do solo e do traballo a productos para o autoconsumo, isto é, para o consumo dos propios agricultores.

As técnicas de cultivo que se utilizan na agricultura de subsitencia son rudimentarias e están baseadas nas que se desenvolveron durante o Neolítico. O campesiño traballa coas súas propias mans e con poucas ferramentas, como a aixada ou o arado con animais. Por iso, os traballadores agrícolas ocupan á maioría da poboación.

A explotación constantes das terras, a pouca eficacia das técnicas de cultivo e a mala calidade das sementes fan que o rendemento sexa moi baixo. Por iso, a poboación é pobre, está mal alimentada e produce poucos excedentes para a súa venda.

Procedencia da imaxe: campanillaa.wordpress.com

A actividade económica. Conceptos básicos

IPC: é un indice no que se cotexan os prezos dun conxunto de produtos (coñecido como "canastra familiar" ou "cesta") determinado sobre a base da enquisa dos gastos familiares, que unha cantidade de consumidores adquire da maneira regular, e a variación con respecto ao prezo de cada un, respecto dunha mostra anterior.


Procedencia da imaxe: extremaduramente.com

A actividade económica. Conceptos básicos

Poder Adquisitivo: é a cantidade de bens e servizos que pode adquirir un individuo co seu salaraio ou que se poden comprar por unidade de conta dunha determinada moeda.

Se o ingreso monetario se mantén igual, pero aumenta o nivel dos prezos, o poder adquisitivo de tal ingreso baixa. A inflación non implica sempre un poder adquisitivo que cae con respecto ao ingreso real dun mesmo, pois o ingreso monetario dun pode aumentar máis rápido que a inflación. (Wikipedia)

Procedencia da imaxe: chilepotenciaalimentaria.cl

A actividade económica . Conceptos básicos.

Renda per capita: A renda per cápita ou PIB per cápita é a relación que hai entre o PIB (Produto Interior Bruto) dun país e a súa cantidade de habitantes. Para conseguilo, hai que dividir o PIB dun país pola poboación deste.

É un indicador comunmente usado para estimar a riqueza económica dun país. Numerosas evidencias mostran que a renda per cápita está positivamente correlacionada coa calidade de vida dos habitantes dun país. (Wikipedia)


Procedencia das imaxes: cotizalia.com

Actividade economica. Conceptos básicos.

O Produto interior bruto ou PIB é o valor monetario total da produción corrente de bens e servizos dun país durante un período (normalmente é un trimestre ou un ano). O PIB é unha magnitude de fluxo, pois contabiliza só os bens e servizos producidos durante a etapa de estudo.O PIB é, sen dúbida, a macromagnitude económica máis importante para a estimación da capacidade produtiva dunha economía. Existen outros tipos de macromagnitudes a considerar partindo do PIB: o Produto Nacional Bruto diferénciase do PIB en que só considera a cantidade fluxo de bens e servizos producidos por nacionais dun país, se ben o PIB non ten en consideración o criterio de nacionalidade. (Wikipedia)

Procedencia da imaxe: puntoinversiones.com

A ACTIVIDADE ECONOMICA.CONCEPTOS BÁSICOS

Inflación : É o aumento sostido e xeneralizado do nivel de prezos de bens e servizos , medido fronte a un poder adquisitivo estable. Defínese tamén como a caída no valor de mercado ou poder adquisitivo dunha moeda nunha economía en particular , o que se diferencia da deprezación , dado que esta última refírese á caída da moeda dun país en relación a outra moeda cotizada nos mercados internacionais , como o dolar , o euro ou o ien.

Actividade económica. Conceptos básicos

A economía informal forma parte da economía somerxida... É a actividade económica non legal por razóns de elusión fiscal ou de control administrativo (por exemplo, é o traballo doméstico non declarado, a venda ambulante espontánea, a infravaloración do prezo escriturado nunha compravenda inmobiliaria).

A economía informal ou irregular forma parte da economía somerxida, xunto coas actividades económicas ilegais (por exemplo, a facturación falsa ou falseada, o tráfico de drogas, o tráfico de armas, a prostitución, o branqueo de capitais).