COMARCAS DE GALICIA :VERÍN

A comarca de Verín está situada no sur da provincia de Ourense, linda polo sur coa fronteira de Portugal, polo leste coa comarca de Viana, polo norte con Terra de Trives e a Terra de Caldelas, e polo oeste coa Limia.
A sua superficie é de 1.007 km2, e a súa poboación é de 28.811 habitantes (resultados do ano 2004).
Os seus concellos son: Verín, Cualedro, Monterrei, Oímbra, Laza, Castrelo do Val, Riós e Vilardevós.
A súa actividade económica máis salientable é a produción agrícola, orientada fundamentalmente á comercialización dos productos. Tamén polo seu viño, de Denominación de Orixe de Monterrei.





















Imformación extraída de:abritealoinesperado.com.ar, viaauria.es,www.comarcasdegalicia.com/

Comarcas de Galicia.A Limia

A Limia é unha das comarcas naturais máis nítidas de Galicia. Está situada no centro da provincia de Ourense ocupando en gran parte unha ampla depresión tectónica de fondo

plano.

SUPERFICIE

A superficie total desta comarca é: 801.9 km².

POBOACIÓN
A poboación total en 2006 é: 24.266 hab.
E a súa densidade é: 30,26 hab/km².

OS CONCELLOS QUE A COMPOÑEN
Os concellos que a compoñen son: Baltar, Os Blancos, Calvos de Randín, Porqueira, Rairiz de Veiga, Sandiás, Sarreaus, Trasmiras, Vilar de Barrio, Vilar de Santos e Xinzo de Limia.

ACTIVIDADES ECONÓMICAS MÁIS SALIENTABLES

O cultivo de cereais e a pataca, produto con denominación de orixe, predominan na maior parte das terras de labradío. A maior superficie dedicada ó cultivo da pataca por produtores a título principal dáse, con moita diferencia, nos concellos de Xinzo de Limia e no de Sandiás.

A Limia é a comarca agrícola extensiva máis importante de Galicia.

Nos diferentes concellos atopámonos cun maior ou menor aproveitamento gandeiro, avícola e cunícola, destacando os complexos da cooperativa Coren nos concellos de Sarreaus e Porqueira. Esta comarca conta con 350 explotacións de bovino, 319 de ovino-caprino, 91 de aves, 71 de porcino e 9 de coellos. Esta capacidade produtiva dá lugar a un sector de transformación e comercialización agrogandeira que xera máis de 150 empregos directos.

Comarcas de Galicia:Vigo

A comarca de Vigo, é unha comarca española situada na costa sur de Galicia, dentro da provincia de Pontevedra. Limita ao norte coa Comarca de Pontevedra, ao leste coas comarcas de Condado, Paradanta e Ribeiro (Ourense), ao sur coa Comarca do Baixo Miño e ao oeste coa Comarca do Morrazo e o océano Atlántico.

Moitas veces confundese a comarca oficial de Vigo coa Área Metropolitana de Vigo, pero na realidade non se corresponden, pois forman parte de dita Área Metropolitana, á parte dos municipios que integran a comarca, tamén os de Cangas e Moaña (Comarca do Morrazo) e o de Salvaterra de Miño (Comarca do Condado).

A súa superficie total é de 613,4 km²(2.07%)
A súa poboación total é de297.124 hab. de acordo cos datos do 2010

Integrana os concellos de:

O Porriño
Baiona
Fornelos de Montes
Gondomar
Mos
Nigrán
Pazos de Borbén
Redondela
Salceda de Caselas
Soutomaior
Vigo

Actividades económicas:

A economía da comarca viguesa caracterízase pola preponderancia dunha economía diversificada vencellada ao sector pesqueiro, á industria e aos servizos. Entre os motores da economía de Vigo está a industria automobilística, liderada por PSA Peugeot Citroën, que ten no concello a súa primeira factoría en importancia de Europa, ao producir en 2007 un total de 547 mil vehículos, dos cales máis do 88% foron exportados fóra de España.

Así mesmo, son moi importantes a construción naval e o sector pesqueiro en todas as súas vertentes, dende a industria extractiva, armadores, ata a comercial, coas súas lonxas de altura e de baixura, así como a industria conserveira, conxeladora e transformadora. Vigo é o primeiro porto comercializador de peixe para consumo humano do mundo (650.000 toneladas no ano 2004), e os estaleiros da Ría son líderes da construción naval privada española, por facturación e tonelaxe. Tamén destaca a extracción, transformación e comercialización de granito e outras pedras ornamentais no Porriño.