Comarcas de Galiza. Chantada.

Chantada

Cunha disposición alongada, a Comarca de Chantada constitúe un fermoso chanzo natural que se estende entre a Dorsal Galega que a limita polo oeste, e a singular paisaxe do río Miño, polo leste.

Os Montes de Vacaloura polo norte e a Serra do Faro polo oeste, que establece o límite natural coa provincia de Pontevedra, rexistran as maiores altitudes da comarca, acadando os 1.000 metros. Ao pé destes relevos esténdese a denominada superficie de Chantada, que se continúa cara ao leste polas fermosas paraxes fluviais da Ribeira Sacra, percorrida polo río Miño, cuxas ladeiras cóbrense dos fértiles socalcos de viñedos.

O río Miño entra na comarca represado no encoro de Belesar, percorre o límite coas Comarcas de Sarria e Lemos até a Ponte de San Fiz en Asma e augas abaixo, a partir do núcleo de Belesar représase de novo no encoro dos Peares, onde conflúen o Miño e o Sil.

A súa superficie total é de462 km2 e a súa poboación total é de 16.390 hab.

Fontes de información:
comarcas de Galicia

sispares.com

Comarcas de Galicia. Ferrol

A Comarca de Ferrol sitúase na provincia da Coruña. Limita ao norte e ao este co océano Atlántico, ao leste coa comarca do Ortegal e ao sur coa comarca do Eume. Ten unha extensión de 623,5 km² e conta cunha poboación de 163.158 habitantes, distribuídos en 11 concellos
A comarca pódese dividir en; Ares, Fene, Ferrol, Mugardos, Narón , Neda,San Sadurniño,Cedeira,Moeche,As Somozas,Valdoviño. Son pequenos en extensión e teñen gran densidade de poboación,dependen en gran medida de Ferrol e Narón nas súas relacións.

A comarca de Ferrol foi unha das áreas máis industrializadas de Galicia, e conta cunha importantísima industria de estaleiros que está inmersa nunha reconversión sectorial, consecuencia da crise no sector.
Proxectos como o recente Porto exterior de Ferrol pretenden dar un pulo e revoca-la situación de certa decadencia, dotando á cidade de modernas infraestruturas. Xunto co Porto exterior da Coruña e con tódalas empresas e polígonos industriais situados entrámbolos portos estase a formar unha importante rexión industrial loxístico-marítima.

Comarca de galicia. O Deza.

Comarca do Deza:
A comarca de Deza vén coincidir co centro xeográfico de Galicia. Limita ao norte coas comarcas de Santiago, Arzúa e Terra de Melide, ao sur coa do Carballiño, ao leste coas de Ulloa e Chantada e ao oeste con Tabeirós-Terra de Montes.
A comarca está estruturada pola Dorsal galega, coas serras do Faro ao leste, a Martiñá ao sur, Candán ao oeste e o río Ulla, que a separa da Terra de Santiago ao norte. O conxunto constitúe unha comarca natural que xa se referencia en documentos do ano 569 ao se conformar o Condado decense no seo da diocese de Lugo.
Caracterízase por un clima atlántico, sen temperaturas extremas nin en inverno nin en verán, con paisaxes fluviais que permiten o desenvolvemento de especies vexetais mediterráneas e o cultivo de vides, limoeiros, etc.
A superficie total da comarca do Deza é de 1.027 km2.
A poboación total da comarca do Deza é de 45.793 habitantes.
Os concellos que a compoñen son varios, e son:
Agolada, Silleda, Vilas de cruces, Dozón, Lalín, Rodeiro.

As actividades económicas máis salientables son:

É o Deza unha comarca próspera e emprendedora, de economía diversificada, baseada nun importante subsector agropecuario, un tecido industrial crecente con especial peso da industria téxtil e un sector terciario que xorde como sustento aos sectores primario e industrial.

As actividades agrarias, que engloban en torno a un terzo da poboación ocupada, caracterízanse por unha elevada especialización no gando bovino de produción láctea e cárnica, e no porcino. Para isto conta cunha das cabanas gandeiras máis grande de Galicia en número de cabezas e en produción.

Procedencia das imaxes: blogdelaautoescuela.com, ask.com

Comarcas de galicia. A terra chá

A terra chá

A Comarca da Terra Chá sitúase na zona norte e interior da provincia de Lugo.
É a comarca máis extensa de Galicia con 1822,75 km². Conta con 47.697 habitantes. A paisaxe desta chaira combina frecuentes outeiros coroados na súa maioría por castros,cómpre citar o castro de Vilonga con agros e pradeiras chans, importantes lagoas como a de Cospeito ou Caque e máis dun cento de ríos e regatos que percorren a comarca. Pertencen a ela os concellos de Abadín,Begonte,Castro de Rei,Cospeito,Guitiriz,Muras,A pastoriza,Vilalba e Xermade, sendo a súa capital Vilalba. A Terra Chá pódese definir como unha comarca rural cunha economía de clara vocación agrícola e gandeira. A climatoloxía e os solos permiten que haxa unha importante extensión de parcelas dedicadas a pastos onde se alimentan un gran número de vacas destinadas especialmente á produción láctea, contando para iso con modernas explotacións que son, na súa maioría, de carácter familiar pero altamente competitivas. Naqueles lugares da comarca onde é máis montañosa cobra auxe a gandeiría extensiva, dedicada á produción cárnica e predominando a raza autóctona rubia galega


Fontes de información: información-wikipedia, imaxes- a voz de vilalba.