Poder xudicial

Poder xudicial

No nivel inferior do sistema xudicial sitúanse os xulgados de paz, que radican naqueles concellos que non sexan cabeceira de partido xudicial e ocúpanse dos asuntos de orde civil por importe inferior a 90 euros e nos casos penais por faltas que lles atribúa a lei. Sobre eles están os xulgados de primeira instancia e instrución, nas cabeceiras dos partidos xudiciais. Nun nivel superior sitúanse as audiencias provinciais, con salas do contencioso-administrativo, do penal, do social, de vixilancia penitenciaria e de menores. As súas sentencias pódense recorrer no Tribunal Superior de Xustiza da comunidade autónoma. Existen, ademais, un conxunto de tribunais de ámbito nacional con sede en Madrid, como a Audiencia Nacional, que se ocupa, entre outros, dos casos nos que están implicados aforados, delitos de terrorismo e tráfico internacional de estupefacientes; e o Tribunal Constitucional, que ten competencia sobre os recursos de inconstitucionalidade contra as disposicións lexislativas, nos casos de violación de dereitos e liberdades e nos conflitos entre o Estado e as comunidades autónomas. O Consello Xeral do Poder Xudicial (CGPJ), elixido polas Cortes Xerais, ocúpase de resolver os asuntos do goberno dos maxistrados. A última instancia en todas as ordes correspóndelle ó Tribunal Supremo. O ministerio de Xustiza e as consellerías das respectivas comunidades autónomas xestionan os recursos que fan posible a administración de xustiza.

Funcións da coroa en España.

A monarquía parlamentaria é unha de fórmaas de goberno existente nas democracias occidentais actuais, na que o rei exerce a función de Xefe do Estado baixo o control do poder Lexislativo (Parlamento) e do poder Executivo (Goberno), é dicir, o rei reina pero non goberna.As normas e decisións emanadas do Parlamento regulan non só o funcionamento do Estado senón tamén a actuación e funcións do propio rei.É moi usual, mesmo na bibliografía das ciencias políticas, identificala con outro tipo de monarquía, a monarquía constitucional, aínda que esta ten unha característica ben distinta, e é que permite reservar unha maior capacidade e funcións ao rei, que retén gran parte do poder, por exemplo, controlando o poder executivo.